O Comité dinamizador da RA reunido en Compostela o 8 de xuño acordou iniciar unha etapa de mobilizacións. A RA organizará  ACTOS RA-VOLUCIONARIOS o próximo xoves 9 de xullo ás 20,00 horas, cando menos en A Coruña, Compostela, Lugo, Ourense, Pontevedra e Vigo, coincidindo co próximo cumio do G-8.Ditos actos serán concentracións de protesta pero que teñan un toque orixinal (performace ou outra actividade chamativa).Non imos permitir que refunden o Capitalismo, melloren os seus beneficios e pisen os nosos dereitos.

AMARANTE leva varios anos dándolle un caracter reivindicativo ao día do Comercio Xusto para que se converta nunha data política máis do calendario transformador e altermundista. Así coma o 8 de marzo é o día de loita feminista, o 17 de abril é o día da loita labrega ou o 1 de maio o día da clase obreira e as súas reivindicacións, o día do comercio xusto non pode seguir sendo reducido a unha xornada de ventas ou exposicións senón ten que converterse nunha data chave de denuncia do comercio internacional. 

Este ano a data coincide cunha crise sistémica global, con especial intensidade na crise alimentaria, polo que parecíanos importante facer un esforzo por afianzar procesos  converxentes xa en marcha centrando a reivindicación no dereito a soberanía alimentar.

En todo caso nos houbera  gustado que a convocatoria fora máis ampla aínda pero de tódolos xeitos cremos que é un paso importante o feito de que organizacións sociais, cooperativas de consumo e o Sindicato Labrego Galego se poñan por primeira vez dacordo para facer unha xornada unitaria en 6 localidades galegas. Especial importancia social e mediatica ten o feito de que o sindicalismo agrario participe desta xornada xunto con organizacións de comercio xusto xa que vai a server para visualizar diante da sociedade a conxunción de intereses entre os pequenos produtor@s do norte e do Sur, sendo necesario coma di o lema da campaña: polo comercio xusto no norte e no sur.

Os movementos sociais do mundo reunímonos con ocasión da celebración do 9º FSM en Belém, na Amazonia onde os pobos resisten á usurpación da natureza, os seus territorios e a súa cultura. Estamos en América Latina onde nas últimas décadas deuse o reencontro entre os movementos sociais e os movementos indíxenas que desde a súa cosmovisión cuestionan radicalmente o sistema capitalista; e nos últimos anos coñeceu loitas sociais moi radicais que conduciron ao derrocamento de gobernos neoliberales e o xurdimento de gobernos que levaron a cabo reformas positivas como a nacionalización de sectores vitais da economía e reformas constitucionais democráticas.

Neste contexto, os movementos sociais de América latina actuaron de forma acertada: apoiar as medidas positivas que adoptan estes gobernos, mantendo a súa independencia e a súa capacidade de crítica en relación a eles. Esas experiencias axudarannos a reforzar a firme resistencia dos pobos contra a política dos gobernos, das grandes empresas e os banqueiros que están descargando os efectos desta crise sobre as costas das e dos oprimidos.

Bo Café é unha campaña de comercialización do café de comercio xusto e apoio ás persoas que traballan na  produción agrobiolóxica deste cultivo en pequenas comunidades. Está coordinada por AMARANTE Setem en Galicia dende o ano 2005 sendo impulsada no Estado español pola federación de ONGDs de Comercio Xusto SETEM dende 1998. A través desta campaña, Amarante acreditou máis de 150 puntos de venda e comercialización deste café de comercio xusto en toda a Galicia.

Agora, retomando tras o período vacacional un novo pulo na mellora das liñas de traballo da nosa asociación, Amarante comprométese a facer accesíbel á cidadanía unha maior información sobre a produción e consumo de café de comercio xusto, tentando á vez que fiquen ao descuberto os intereses espúreos desas cinco ou seis multinacionais cafeteiras tradicionalmente vencelladas ao consumo de masas e de grandes superficies comerciais que controlan a case totalidade deste cultivo enriquecéndose con estratexias bursátiles e financeiras pouco escrupulosas.