A campaña de Nadal de Compostela pechóuse o día 5 de xaneiro cunha degustación na rúa durante toda a maña, mentres que as 13:00hs tivo lugar o sorteo da cesta de produtos de comercio xusto e ecolóxicos.

O número sorteado - por unha transeunte de modo a garantir a transparencia do procemento- foi o 00089. O gañador xa pasóuse polo local o últiomo venres para recoller o seu premio. Felicidades!!!

Destacar que facemos un balance positivo da Campaña de Nadal, tanto polo volume de vendas, como pola organización e realización de diferentes actividades de sensibilización como proxeccións, obradoiros e degustacións, nas cales o grupo local de activitas estivo fortemente implicado.

Esperamos que ao longo do 2010 poidamos seguir consolidando a participación activa do grupo en distintas accións e iniciativas, ademais de acadar a incorporación de novas persoas que desexen formar parte do proxecto de Amarante.

Seguindo a idea de realizar actividades de sensibilización e formación e dinamizar o local de Amarante-Verdegaia en Compostela, aproveitamos que o ano está a piques de rematar para ir difundindo un proxecto no que xa levamos traballando algúns meses e que pronto sairá a luz.

Falamos do ciclo de cinema organizado por ambas organizacións e que abordará, a través de diferentes proxeccións audiovisuais, temas vencellados co consumo, publicidade, producción de alimentos a grande escala, deslocalización das empresas do sector téxtil e o seu impacto nos países do Sur, transxénicos, entre outros.

Próximamente subiremos o cartaz e programación completa do ciclo de cinema neste espazo, máis de momento vos animamos a ir facendo un oco nas vosas axendas para os xoves as 20:30hs a partir do día 21 de xaneiro.

Para quentar o ambiente e o debate, serviremos un chocolate de comercio xusto entre as persoas asistentes, así que non vos esquezades de traer a vosa cunca!

Coa fin de achegar ideas de agasallos solidarios para este Nadal, a presentadora Maite Cabezas levou ao plató de Bos Días Magazine propostas de varias organizacións sociais, e entre elas a das cestas de alimentos de comercio xusto e ecolóxicos de Amarante.

Destacando o impacto do Comercio Xusto para as produtoras e produtores de países empobrecidos, ao garantirlles un salario e condicións de traballo dignas e respecto ao medio ambiente, a presentadora tamén fixo fincapé na calidade dos produtos e na necesidade de buscar circuítos alternativos ás grandes superficies a hora de mercar.

Para ver o vídeo, premer no enlace:

Aproveitamos esta nova para agradecer as persoas activistas do grupo der Compostela que colaboraron na montaxe da cesta, na organización da tenda e  das actividades de Nadal.

 Graciñas a todas e todos vós!!!