ACTIVISTAS DO PROGRAMA DE EDUCACIÓN PARA O DESENVOLVEMENTO "XANELA ABERTA AO SUR" PARTEN NO MES DE XULLO PARA BRASIL, ECUADOR E MARROCOS.

AMARANTE E VERDEGAIA PUXERON FIN AOS ACTOS DA CAMPAÑA INTERNACIONAL XOGA LIMPO 2008 COA CELEBRACIÓN DUNHAS OLIMPÍADAS ALTERNATIVAS. Con motivo da celebración dos próximos Xogos Olímpicos en China, as ONGDs galegas Amarante e Verdegaia, organizaron o pasado sábado 21 de xuño unha acción de rúa na Praza do Toural (Compostela), da Ferrería (Pontevedra), no Xardín do Posío (Ourense) e na Praza da Constitución (Vigo) á que se lle deu ampla cobertura nos medios de comunicación galegos e estatais. O acto, destinado á sensibilización da cidadanía galega ante as violacións dos dereitos laborais e sindicais de traballadores e traballadoras chinesas empregadas na fabricación de roupa deportiva e do merchandising olímpico -principalmente patrocinado por xigantes da moda deportiva como Adidas, Nike e Puma- estivo respaldado por clubes deportivos de toda Galicia.  Máis..

AMARANTE SOLICITA SOLIDARIEDADE CO MOVIMENTO BRASILEIRO DOS TRABALHADORES RURAIS SEM TERRA. Nestes días o MST está a sofrer unha verdadeira ofensiva de forzas conservadoras que non só queren impedir a división da terra como determina a Constitución brasileira mais tamén criminalizar aos que loitan pola Reforma Agraria impedindo a continuidade deste Movimento histórico. Neste momento difícil para a democracia brasileira AMARANTE solicita apoio para o MST asinando cartas de protesta para enviar á Gobernadora Yeda Crusius.  Máis..

AMARANTE ORGANIZA UN SEMINARIO DE FINANZAS ÉTICAS NA FACULTADE DE POLÍTICAS DA USC DENTRO DOS ACTOS DA SEMANA GALEGA DE COMERCIO XUSTO. "Os Segredos dos Investimentos Bancarios" é o título baixo o cal organizamos este ano o Seminario de Finanzas Éticas que terá lugar os días 28, 29 e 30 de abril no salón de actos da Facultade de Políticas en Compostela. A xente interesada deberá inscribirse a través do correo vigo@amaranteong.org. A cuota para obter o crédito de libre configuración e o certificado de asistencia expedido pola USC é de 15 €. As conferencias correrán a cargo de Arcadi Oliveres, profesor da Universidade Autónoma de Barcelona, Nuria del Río, autora do título "Rescata tu dinero" ou o representante do Movimento dos Atingidos por Barragems (MAB) Jose Josivaldo Alves, entre outros. Podedes consultar o programa das charlas e proxeccións así como o contacto para vos inscribir Aquí.

VERDEGAIA E AMARANTE ASINAN UN MANIFESTO DE COLABORACIÓN E IMPULSO A UN MOVEMENTO CIDADÁ INDEPENDENTE E QUE TRABALLE POLA SUSTENTIBILIDADE ECOLÓXICA E A XUSTIZA SOCIAL. Amarante e Verdegaia veñen de presentar o seu manifesto conxunto que quere ser un paso na dinamica de colaboración entre organizacións ambas sociais galegas e independentes. O acordo xa tivo  unha primeira plasmación no impulso dun local social conxunto na cidade de Ourense e terá outras máis que estan por vir. Ver o texto integro. Máis...