O FACHO OLÍMPICO PERCORRERÁ O SÁBADO DÍA 10 AS RÚAS DE COMPOSTELA, OURENSE, PONTEVEDRA E VIGO. PARTICIPADE!

AMARANTE ORGANIZA UN SEMINARIO DE FINANZAS ÉTICAS NA FACULTADE DE POLÍTICAS DA USC DENTRO DOS ACTOS DA SEMANA GALEGA DE COMERCIO XUSTO. "Os Segredos dos Investimentos Bancarios" é o título baixo o cal organizamos este ano o Seminario de Finanzas Éticas que terá lugar os días 28, 29 e 30 de abril no salón de actos da Facultade de Políticas en Compostela. A xente interesada deberá inscribirse a través do correo vigo@amaranteong.org. A cuota para obter o crédito de libre configuración e o certificado de asistencia expedido pola USC é de 15 €. As conferencias correrán a cargo de Arcadi Oliveres, profesor da Universidade Autónoma de Barcelona, Nuria del Río, autora do título "Rescata tu dinero" ou o representante do Movimento dos Atingidos por Barragems (MAB) Jose Josivaldo Alves, entre outros. Podedes consultar o programa das charlas e proxeccións así como o contacto para vos inscribir Aquí.

COLECTIVOS SOCIAIS DE PONTEVEDRA E VECIÑOS DE MONTEPORREIRO IMPULSAN UNHA PLATAFORMA CONTRA O RACISMO E POLO DIREITO A UNHA VIVENDA DIGNA. Amarante, Asemblea de Mulleres, Asociación Arxentinos/as Rincón Criollo, Asociación Galega de Animación e Intervención Social, CGT, CNT-AIT, Inclusion, Mulleres Cristiás, Rexurdir Provincial, Secretariado Xitano e Verdegaia , xunto cun grupo de veciños de Monteporreiro e expertos en temas de integración social promoven en Pontevedra unha plataforma contra o racismo e a favor dunha vivenda digna para todos e todas. Amarante como ong critica e comprometida no cambio social non pode traballar no campo da solidariedade con desfavorecidos/as do Sur e mirar cara a outro lado cando estes mesmos habitan entre nos. Máis.

INICIOUSE UNHA NOVA EDICIÓN DO XANELA ABERTA AO SUR QUE ESTE ANO TERÁ COMO DESTINO BRASIL, ECUADOR E MARROCOS. Formar aos participantes en valores solidarios e transformadores, coñecer a realidade do Sur directamente e convivir con comunidades do Sem Terra en Brasil, de Maquita en Ecuador ou coa mulleres do textil de Attawassoul en Tánxer son alguns dos obxectivos do Xanela que xa iniciou o periodo de inscricións. Ver folleto. Máis...

VERDEGAIA E AMARANTE ASINAN UN MANIFESTO DE COLABORACIÓN E IMPULSO A UN MOVEMENTO CIDADÁ INDEPENDENTE E QUE TRABALLE POLA SUSTENTIBILIDADE ECOLÓXICA E A XUSTIZA SOCIAL. Amarante e Verdegaia veñen de presentar o seu manifesto conxunto que quere ser un paso na dinamica de colaboración entre organizacións ambas sociais galegas e independentes. O acordo xa tivo  unha primeira plasmación no impulso dun local social conxunto na cidade de Ourense e terá outras máis que estan por vir. Ver o texto integro. Máis...